O primeiro xoves de mes é o día no que se celebran os Plenos
ordinarios no Concello de Fene. O de onte se prevía un Pleno máis con 13 puntos
na orde do día na que se aprobaron as tres mocións presentadas polo BNG.
Mocións relativas aos recortes da Xunta en formación e emprego, aprobada por
unanimidade, unha segunda moción relativa aos recortes da Xunta na eliminación
dos convenios polos que se sosteñen as oficinas liquidadoras de impostos
dependentes dos Rexistros da Propiedade, aprobada por maioría coa abstención do
PP, e una terceira relativa á situación
do sistema financeiro galego, o rescate á banca, a situación das persoas con
participación preferentes así como a necesidade de ter una Banca pública galega
que defenda os intereses da maioría dos galegos e galegas, tamén aprobada por
maioría coa abstención do PP.
Na orde do día tamén figuraba unha proposta do Goberno
popular relativa á regulación da terrazas dos locais de hostalaría. O BNG
pediulle ao goberno que a retirase para que fose exposta previamente ao sector
directamente e ao movemento veciñal. O alcalde retirou o punto da orde do día
pero non sen amosar unha actitude prepotente e arrogante fronte as demandas de
diálogo do conxunto da oposición.
No último punto da orde do día, Rogos e Preguntas, os
nacionalistas como é habitual preguntamos por temas de actualidade que nos
preocupan ou que nos transmite o movemento veciñal. A nosa sorpresa foi total
cando a preguntas concretas de como se está a executar a prestación do servizo
de limpeza mantemento e conserxería das instalacións deportivas pola nova
empresa adxudicataria (EULEN) a resposta é defensiva, ofensiva, arrogante e pon
na boca dos membros do GM do BNG palabras que nós nunca emitimos, chegando a
afirmar que ” é a primeira vez que se sacan estas cousas a concurso e iso é o
que vos molesta”. A realidade é que a
empresa recoñece por escrito que non dispón dos medios técnicos que indica o
prego, e máis recoñece que nin miraron o documento, e o alcalde lonxe de esixir
o cumprimento do prego aprobado, ataca ao BNG pola súa labor de control e
seguimento da xestión municipal.
Debido á imposibilidade de contestar, xa que non hai quenda
de resposta neste apartado, o GM do BNG decidiu abandonar o Pleno ante a falta
total de responsabilidade do alcalde, a prepotencia exhibida e as mentiras vertidas no Pleno en
contestación ás preguntas da representación
nacionalista.
Tres mocións presentadas e que foron votadas favorablemente polo Psoe, BNG e EU. Pero en Fene, grazas ao BNG, goberna o Partido Podrido.
ResponderEliminarNon oh! o PP goberna porque llo permitiron os veciños e veciñas que lle votaron. Nós non estamos en política para darlle chollo a ninguén. Esta era a alternativa, PP ou darlle chollo a Iván.
EliminarHome! O noso fan! A verdade é que o botei de menos onte, supoñía que o primeiro que faría esta semana era comentar no noso blog repetindo o de sempre (e casi acerto, eh?) Abúrrese moito, non si? Non ten amigos cos que falar? Lóxico, debe ser debido á súa pesadez monotemática unida á falla de orixinalidade (o copia-pega en canto blog hai do tema da "ambición de Juventino" éche moito!) Creo que lle está collendo tanto gusto a este blog que ao final ata vai solicitar a alta na nosa organización :-) Veña, abur! Vémonos, ou mellor dito lémonos, próximamente.
EliminarPD: Por certo... Non sei si sabe que en Fene quen apoia ao PP é o PSOE (infórmese de como se aprobaron os orzamentos)
Manuel Polo: Ti si que sabes o que é darlle choio a alguén, como fixo Barcia contigo en Mugardos
ResponderEliminarQue acción máis contundente, non falan cos veciños, non visitan as parroquias, non traballan no tecido asociativo de Fene, pero abandonan o Pleno para ver se son noticia en " La Coz de Galicia". ese é o BNG de Fene, expectáculo para a prensa, pero sen ningún traballo social.
ResponderEliminarPolo és un campión
Señor copia-pega, vexo que nos ten na súa páxina de inicio, ola de novo:
ResponderEliminarAo parecer é vostede quen non se move nin polo tecido asociativo nin polas parroquias xa que o que "pega" por todas partes é mentira e ainda que o pegue 1000 veces máis seguirá a ser mentira. Móvase algo vostede é verá si a xente do BNG fai traballo social ou non, se vostede fixera algún tipo de labor en calquera das sociedades deste concello sabería das reunións que tivemos e estamos tendo con todas as sociedades. Siga ouveando desde a casa, que vostede si que é útil!